O Concello de Cervo celebra unha andaina solidaria desde a unidade residencial da asociación Saúde Mental A Mariña, coa incorporación do alumnado do CEIP de Cervo.
Tamén haberá outros actos. Ante a Casa do Concello, lectura de manifesto a cargo dunha usuaria do centro e de estudantes do CEIP de Cervo, seguido dun minuto de silencio en recordo de todas as mulleres vítimas desta lacra. Interpretación do tema “chea de vida” de Guadi Galego en lingua de signos por parte do alumnado do CEIP de Cervo.
Pola tarde:
Ás 18:30 horas, a presidenta de Mulleres en Igualdade Provincial Lugo-Cervo, Adelina Fernández, procederá a descubrir un banco morado que quedará instalado na Prazoleta da Casa da Cultura, e que ela mesma acondicionou en memoria de todas as mulleres vítimas da violencia machista
A continuación, ás 19:00 horas, haberá teatro no auditorio a cargo da asoc. Saúde Mental A Mariña e do grupo de teatro Ardora.
Organizan delegación de Muller e Igualdade do Concello de Cervo, Mulleres en igualdade Cervo, asoc. Saúde Mental e CEIP de Cervo