Unha ampla representación da Corporación Municipal de Ribadeo co alcalde, Dani Vega, e a concelleira de Igualdade, Begoña Sanjurjo, á cabeza asistiron á concentración convocada ás portas do Pazo de Ibáñez en repulsa polo último asasinato machista cometido en Ribeira.

Traballadoras e traballares municipais, representantes de Acisa e veciñas e veciños gardaron un minuto de silencio na memoria de Andrea Yturry Alave. A concentración rematou cun aplauso dos asistentes.