O barco mercante ‘Albiz’, que levaba troncos de eucalipto, quedou varado na mañá deste xoves nunha lingua de area das augas portuarias de Ribadeo. Segundo informa Salvamento Marítimo a Europa Press, ás 10.30 horas deste xoves, o práctico de Ribadeo avisou ao centro de Fisterra do ocorrido durante as operacións de atracada do barco. Os feitos ocorreron unha media hora antes da pleamar.
Así, prevese espera á próxima pleamar, ás 19.30 horas, para iniciar os traballos para sacar ao buque do varamento. O capitán do barco contratou os servizos de dous remolcadores de Sertosa situados no porto de San Cibrao, no municipio de Cervo, para axudalo nos labores. Esperan que os dous remolcadores estean ao costado do buque dúas horas antes da pleamar. Igualmente, a Capitanía Marítima de Burela está informada.