InicioCentralMondoñedoMorre un traballador nunha canteira de Mondoñedo

Morre un traballador nunha canteira de Mondoñedo

O sinistro laboral tivo lugar na parroquia de Vilamor e a alerta saltou pouco despois das 16,00 horas

Publicada o

- Advertisement -

Un traballador dunha canteira de Mondoñedo, J.C.S., de 52 anos de idade, faleceu este martes tras precipitarse por un desnivel cando manexaba unha máquina e outro operario foi evacuado a un hospital, segundo confirmaron fontes do CIAE 112-Galicia e do 061.

O sinistro laboral tivo lugar na parroquia de Vilamor e a alerta saltou pouco despois das 16,00 horas. Un particular contactou con Emerxencias para informar do sucedido e, xa desde o primeiro momento, apuntou a posibilidade de que o traballador podería estar falecido.

Os xestores do 112 Galicia informaron o suceso a Urxencias Sanitarias, Bombeiros, Garda Civil e Protección Civil de Mondoñedo. O 061 enviou unha ambulancia de soporte vital básico e un equipo da PAC de Mondoñedo.

Cando chegou ao lugar, o persoal sanitario só puido confirmar o falecemento do operario. Por outra banda, estes efectivos atenderon no punto a outro traballador, J.J.F.V., de 56 anos de idade, que foi trasladado ao Hospital Público da Mariña.

Os efectivos de bombeiros, ademais de axudar nas tarefas de rescate do corpo do home falecido, colaboraron na estabilización da máquina que manexaba, xa que quedara nunha posición complicada.

ÚLTIMAS

Alumnos de Italia e Turquía farán prácticas en empresas de Ribadeo e A Pontenova da man de APAGA

Trinta alumnos italianos e seis turcos farán prácticas en empresas de Ribadeo e na...

Mondoñedo volverá acoller unha investigación da USC sobre un asentamento suevo

O vindeiro 27 de maio dará comezo unha nova fase dos traballos arqueolóxicos en...

A antiga Casa de Teléfonos será a nova comisaría da Policía Local de Ribadeo

O inmoble da antiga Casa de Teléfonos xa é propiedade do Concello de Ribadeo...

Día da Xuventude en Viveiro nos xardíns de Noriega Varela

O Concello de Viveiro celebrará este sábado, día 25 de maio, o seu Día...