InicioOccidentalViveiroViveiro continúa coa campaña 'Ti tes a chave' sobre o uso do...

Viveiro continúa coa campaña ‘Ti tes a chave’ sobre o uso do contedor marrón

Publicada o

- Advertisement -

A Tenencia de Alcaldía de Viveiro continúa coa campaña “Ti tes a chave”, que ten como obxectivo informar á veciñanza e ao tecido empresarial do municipio sobre o uso dos novos colectores marróns de residuos orgánicos.

O día de mañá, xoves 16 de maio, volverá haber un posto de información en Covas, ubicado á altura do supermercado Masymas, en horario de 10:30 a 13:30.

Nos meses seguintes será instalado en diferentes localizacións de todo o municipio, sempre co mesmo horario, como se anuncia nas redes sociais do Concello.

Os colectores marróns, dedicados exclusivamente á recollida de residuos orgánicos, xa están instalados nas rúas do concello. Estes novos depósitos teñen a particularidade de estar pechados, coa finalidade de garantir a correcta separación de residuos de xeito paralelo á concienciación da veciñanza.

As chaves necesarias para facer uso deste contedor serán entregadas no posto de información xunto cun caldeiro de 10 litros, bolsas compostables e un folleto informativo sobre o bo uso do colector.

Os residuos que deben ir no colector marrón son: os restos de froita, verdura, carne e peixe, conchas de mariscos ou froitos secos, restos de pan, café, infusións, papel de cocina, restos de plantas, cortizas e, en definitiva, calquera resto orgánico.

Pola contra, os residuos que nunca se deben depositar neste contedor son os envases, cueiros, compresas, bastonciños dos oídos, plásticos e calquera outro tipo de residuos non orgánicos.

ÚLTIMAS

Alumnos de Italia e Turquía farán prácticas en empresas de Ribadeo e A Pontenova da man de APAGA

Trinta alumnos italianos e seis turcos farán prácticas en empresas de Ribadeo e na...

Mondoñedo volverá acoller unha investigación da USC sobre un asentamento suevo

O vindeiro 27 de maio dará comezo unha nova fase dos traballos arqueolóxicos en...

A antiga Casa de Teléfonos será a nova comisaría da Policía Local de Ribadeo

O inmoble da antiga Casa de Teléfonos xa é propiedade do Concello de Ribadeo...

Día da Xuventude en Viveiro nos xardíns de Noriega Varela

O Concello de Viveiro celebrará este sábado, día 25 de maio, o seu Día...