A Plataforma en defensa da pesca e os ecosistemas mariños anunciou este sábado unha concentración este mes de marzo en Porto de Veiga, Navia, e unha segunda na localidade galega de Burela, sen concretar datas. O obxectivo das súas reivindicacións é frear o real decreto polo que se regula a produción de enerxía eléctrica en instalacións situadas no mar, ao entender que suporá a “poxa” dos caladoiros de pesca.

En declaracións aos medios, o colectivo mostrou a súa desconformidade coa regulación exposta polo Ministerio para a Transición Ecolóxica e o Reto Demográfico, ao entender que supón un “ataque” ao sector pesqueiro e aos ecosistemas mariños, polo que presentarán alegacións.

Ademais de reiterar a súa petición de diálogo directo coa ministra Teresa Ribera, tamén piden unha reunión co ministro de Agricultura, Pesca e Alimentación, Luís Planas, e esperan iniciar reunións cos partidos políticos.