A Garda Civil imputa en calidade de investigado a un veciño de Burela como suposto autor dun delito medioambiental.

Segundo expón o Instituto Armado a través dun comunicado de prensa, axentes do Servizo de Protección da Natureza (Seprona) tiveron coñecemento da existencia dun presunto vertido no río Xunco, nun tramo que discorre nas inmediacións da fervenza do Paseo dos Namorados.

Unha vez no lugar comprobouse que ao longo duns seis quilómetros de tramo foron recuperados falecidos 470 peixes, troitas e reos.

Segundo indica a Garda Civil, a investigación tenta confirmar “se a súa orixe está na limpeza do chan mediante un sistema de baldeo, tras producirse un derrame de policloruro de aluminio con filtración do citado produto ao río a través de arquetas de augas pluviais”.

Desde o Concello puxeron o pasado 28 de agosto os feitos en coñecemento do Seprona, descartando daquela “nunha primeira análise” que tivesen relación co funcionamento das depuradoras.