Un home resultou ferido na mañá deste domingo en Foz ao saírse da vía o turismo no que circulaba, que finalizou envorcado. Segundo os datos facilitados ao 112 Galicia, a vítima tivo que ser excarcerada polos Bombeiros de Barreiros.

O accidente tivo lugar nas proximidades da igrexa de Santa Cecilia, na parroquia de Santa Cilla do Valadouro, ao redor das 9.20 horas. Nese momento, o 112 Galicia recibía a alerta do sinistro a través do 061-Urxencias Sanitarias.

Acto seguido, o persoal do CIAE 112 Galicia comunicou o aviso aos Bombeiros de Barreiros, ao GES de Cervo, á Garda Civil e a Protección Civil.

Finalmente, o ferido foi trasladado en ambulancia a un centro médico.