InicioSucesosRescatados os cinco tripulantes do Roymar, que ardeu a 30 millas de...

Rescatados os cinco tripulantes do Roymar, que ardeu a 30 millas de Ribadeo

Na madrugada do mércores, o helicóptero Pesca II recolleu aos mariñeiros do volanteiro, con base en Laxe

Publicada o

- Advertisement -

Os cinco tripulantes do volanteiro Roymar, con base en Laxe, foron rescatados durante a madrugada deste mércores nun operativo no que participaron Salvamento Marítimo e o Servizo de Gardacostas de Galicia, despois de que o buque se incendiase cando se atopaba a unhas 30 millas ao norte de Ribadeo.

DISPOSITIVO

A alerta recibiuse ás 1.13 horas. O centro de Salvamento Marítimo de Fisterra coordinou a emerxencia. Mobilizou ao helicóptero da Xunta de Galicia Pesca II e á embarcación Alioth. Tamén contactou con varios pesqueiros, de xeito que se dirixiron cara a zona outros cinco barcos.

O helicóptero Pesca II logrou rescatar ao cinco tripulantes, que abandonaran o buque e agardaban axuda nunha balsa salvavidas. Foron trasladados ao porto de Celeiro.

MEDIDAS DE CONTROL AMBIENTAL

Dado que o barco non se afundiu e seguiu a arder, Alioth permanece desde a madrugada no lugar. Ás once da mañá, a embarcación será relevada polo buque Sar Gavia. Así, controlarase a situación por precaución e aplicar medidas de control ambiental e anticontaminación, de seren precisas.

ÚLTIMAS

As Festas do Carme en Porcillán contarán coa colaboración do Concello de Ribadeo

Do 19 ao 21 de xullo celébranse en Porcillán as festas do Carme, que...

Viveiro presenta unha APP que permite ver en 3D as antigas portas da vila

O Concello de Viveiro presentou esta mañá a súa nova APP, que permite experiencias...

X Edición da 1/2 km Vertical Monte Comado en Barreiros

O vindeiro domingo, 21 de xullo, Barreiros acollerá a décima edición da carreira popular...

As xornadas de Historia da Pomba do Arco en Foz abordarán desde a romanización até o nazismo

A casa da cultura Poeta Manuel María de Foz acolle entre 29 de xullo...