InicioSucesosUn mozo de Cervo, rescatado por Salvamento tras caer a unha zona...

Un mozo de Cervo, rescatado por Salvamento tras caer a unha zona rochosa da praia de Rueta

O rapaz foi localizado cun forte golpe na cabeza durante a noite, despois de que a familia advertise á tarde da súa desaparición

Publicada o

- Advertisement -

Un mozo de Cervo foi rescatado polo helicóptero de Salvamento Marítimo dunha zona rochosa da praia de Rueta, onde foi localizado cun forte golpe na cabeza durante a noite deste venres. O rapaz foi evacuado ao Complexo Hospitalario Universitario da Coruña onde se confirmou que non corre perigo.

O rescate produciuse despois dunha angustiosa búsqueda no entorno do areal cervense, despois de que a súa familia advertise da súa desaparición aos servizos de emerxencias. A escuridade complicou o traballo dos efectivos desprazados ata a zona, como relatou o alcalde de Cervo, Alfonso Villares, quen destacou a incertidume durante a búsqueda “porque non sabiamos que lle puidera pasar” e “a satisfacción de que o caso se saldase sen peores consecuencias para o mozo, que estaba nun acantilado sen posibilidades de valerse por si mesmo”.

DISPOSITIVO

Segundo o 112, un familiar do mozo chamou ao servizo de emerxencias ao fío das 22.45 horas indicando que o rapaz saira ás 18:00 horas do seu domicilio e que se atopaba en paradoiro descoñecido. No aviso, engadiu que atoparan a furgoneta na praia da Rueta.

O CIAE informou dos feitos ao 0-61, aos Servizo de Gardacostas de Galicia, a Garda Civil e a Salvamento Marítimo, que mobilizou un helicóptero ata o areal. Tamén se requiriu a intervención dos Bombeiros de Viveiro, de Barreiros e das Agrupaciónss de Voluntarios de Protección Civil de Foz, Burela e Viveiro, ademais do GES de Cervo. No operativo de búsqueda participou tamén a Unidade Operativa de Drons da Axencia Galega de Emergencias (AXEGA).

Unha vez localizado o mozo, “nunha zona rochosa e de difícil acceso”, o helicóptero evacuouno ao aeroporto de Alvedro, onde se decidiu o seu traslado ao hospital coruñés.

ÚLTIMAS

Morre tamén a nai da falecida no incendio do Valadouro

A muller de 77 anos trasladada ao Hospital da Mariña polas feridas sufridas no incendio...

ACISA Ribadeo anima ás empresas locais a unirse ao Bono Activa Comercio

Acisa anima ás empresas locais a adherirse ao Bono Activa Comercio da Xunta....

A CAMOVI de Viveiro será unha homenaxe a Ramón Blanco na edición deste ano

O Concello de Viveiro será esta próxima fin de semana o escenario dunha nova...

O sábado 20 de abril comeza a XVII Edición de Ribadeo de Tapeo

Este sábado, 20 de abril, dará comezo o XVII Ribadeo de Tapeo, un dos...