Dúas persoas resultaron feridas na tarde do sábado tras chocar as motos de auga que conducían na contorna da praia da Rapadoira. Segundo o 112 Galicia, o accidente ocorreu sobre as 17.30 horas.

Despois de recibir o aviso por parte dun particular, o 112 Galicia púxose en contacto cos socorristas da praia. Ademais, advertiu ao persoal do 061-Urxencias Sanitarias.

Os socorristas de Foz confirmaron o rescate das dúas persoas e a súa evacuación até a praia de Altar, para ser trasladados en ambulancias polo persoal sanitario. As motos de auga foron retiradas por amigos dos feridos.