Os bombeiros de Viveiro (Lugo) rescataron este domingo a un home que caeu nun regato de dous metros de profundidade deste municipio.

Segundo informa o 112, os feitos ocorreron sobre as 17.25 horas no lugar de Betrivo, na parroquia de Landrove. A alerta deuna un familiar do home que indicaba que non era capaz de saír da auga por si mesmo.

Seguidamente, o Centro Integrado de Atención ás Emerxencias (CIAE) solicitou a intervención dos bombeiros e informou ao 061-Urxencias Sanitarias, á Policía Local, á Garda Civil e a Protección Civil.

TRASLADADO EN AMBULANCIA

O home tivo que ser trasladado en ambulancia a un centro médico.