Un mozo veciño de Burela foi imputado o pasado domingo, ás 19.00 horas, en calidade de investigado pola Garda Civil por un suposto delito de lesións durante a Festa Normanda de Foz.

Segundo expuxo o Instituto Armado a través dun comunicado de prensa, o imputado é un cidadán de Cabo Verde de 19 anos. Os feitos obxecto da investigación tiveron lugar no marco da celebración da festa focega, a finais do pasado mes de agosto.

POSTO A DISPOSICIÓN XUDICIAL

No mesmo comunicado aos medios de comunicación, a Benemérita precisa que a persoa investigada xa foi posta a disposición do Xulgado correspondente.