Unha persoa faleceu este pasado luns logo de caer desde o segundo andar da residencia de maiores que xestiona DomusVi en Viveiro, segundo confirmou a Policía Local da localidade.

O feito ocorreu sobre as sete da tarde e até o lugar achegáronse tanto patrullas da Policía Nacional como da Policía Local. Axentes da Policía Científica da comisaría de Viveiro recolleron datos e probas para aclarar o sucedido.

Foi o servizo de 061 Urxencias Sanitarias quen deu a voz de alarma ao Centro Integrado de Atención ás Emerxencias (CIAE) 112 Galicia.