Unha furgoneta incendiouse este mércores nunha pista forestal en Mondoñedo, aínda que o condutor saíu ileso do vehículo, que ardeu por completo. Segundo debullou o 112 Galicia a Europa Press, foi o condutor do vehículo quen alertou á Central de Emerxencias para avisar de que estaba nunha zona embarrada e non conseguía saír.

Neste contexto, tamén indicou que “se meteu mal por un camiño” e que o vehículo estaba a empezar a arder, pero que el xa estaba no exterior. O suceso tivo lugar ás 12.30 horas en Tronceda, na parroquia dos Remedios, até onde se desprazaron bombeiros de Barreiros, Garda Civil de Tráfico, Policía Local, Protección Civil de Mondoñedo e membros do distrito forestal da zona.