Os cinco brigadistas feridos no incendio de Barreiros permanecen ingresados con prognóstico grave na Unidade de Queimados do Complexo Hospitalario Universitario da Coruña (CHUAC).

Segundo informaron este martes fontes sanitarias, non se produciron cambios desde a xornada do luns no estado dos brigadistas feridos en Barreiros. Os cinco presentan prognóstico grave, por queimaduras de segundo grao.

Deste xeito, un dos brigadistas ten 24 anos, ten afectado o 25% do corpo e resultou intoxicado por inhalación de fume.

Outro dos profesionais, de 25 anos, ten o 15% do corpo afectado polas queimaduras de segundo.

O terceiro destes brigadistas ten 24 anos e as feridas afectaron a un 10% do seu corpo.

Ademais, outro dos bombeiros ten 29 anos e unha afectación do 8% e, por último, o quito dos brigadistas, de 27 anos, ten feridas no 5%.