A Garda Civil detivo en Burela a unha veciña desta mesma localidade. A muller, de 50 anos de idade foi arrestada como suposta autora dun delito contra a saúde pública.

A persoa detida foi sorprendida polos axentes cando portaba un bolso-bandoleira, en cuxo interior levaba unha “pastilla” supostamente de haxix, que pesaba de 98 gramos, a cal foi intervida e posta ao dispor da autoridade competente.

O lugar onde foi detida é unha zona da localidade burelense na que adoitan acudir consumidores e vendedores que trafican con este tipo de substancias estupefacientes. As dilixencias policiais foron postas ao dispor do Xulgado de Instrución de Garda de Viveiro.