Axentes da Garda Civil rescataron este luns a un home que se precipitou ao mar desde o paseo de Tupide, no municipio lucense de Foz, e que non podía saír da auga. Segundo informaron fontes da Comandancia de Lugo e do 112 Galicia, os feitos ocorreron pouco antes das 5,00 horas desta madrugada. Un particular chamou a Emerxencias e alertou de que un home se tirou ao mar e non podía saír da auga.

O CIAE 112 informou do ocorrido á Garda Civil, a Salvamento Marítimo, Gardacostas, Protección Civil e Urxencias Sanitarias 061. Finalmente, efectivos da Garda Civil lograron rescatar ao home e sacalo do mar. Fontes do 061 informaron de que enviaron ao lugar unha ambulancia de Soporte Vital Avanzado. O home rescatado foi trasladado ao Hospital da Mariña con síntomas de hipotermia.

AUXILIO A PERSOA QUE CAEU Ao MAR EN FOZ

Por outra banda, ás 04.00 horas horas tense coñecemento de que unha persoa caeu ao mar na zona da praia da Rapadoira da localidade de Foz. Unha Patrulla procede a sacar a persoa da auga e solicitan ambulancia debido aos síntomas de hipotermia que presenta. É trasladado ao Hospital da Mariña.