A Garda Civil detivo en Mondoñedo a un cidadán estranxeiro, de 29 anos, que conducía cun permiso falso e sobre o que constaba unha orde europea en vigor de detención. Segundo informou o Instituto Armado, o detido, no momento que foi identificado polos axentes, presentou cunha fotografía un permiso de conducir expedido supostamente no seu país de orixe, en Rumania. Ante isto, os axentes solicitaron ao país que informen se ten o permiso de conducir en vigor. Foi entón cando constataron que o home nunca tivo carné de conducir. As dilixencias policiais e o detido foron postos a disposición xudicial.