A Garda Civil investiga a un veciño da localidade asturiana de Navia, de 20 anos de idade, como suposto autor dun delito de danos á propiedade tras realizar un grafiti na fachada dun edificio de Ribadeo.

Segundo informa a Benemérita, os feitos ocorreron o pasado luns, día 27 de xaneiro, sobre as 20.00 horas, cando o home levaría a cabo a pintada.

Cando foi identificado, interviñéronselle dous botes de pintura en aerosol dos mesmos cores que os utilizados para a confección do grafiti. Ademais, tiña restos de pintura na man.

As dilixencias policiais foron remitidas á Autoridade Xudicial. Na actualidade está pendente a valoración dos danos no inmoble.