Dúas persoas tiveron que ser excarceradas tras unha colisión entre unha furgoneta e un turismo na N-642, ao seu paso polo municipio lucense de Cervo, en Daián. Segundo informou o 112, o suceso produciuse ás 13.00 horas deste venres e foi un particular o que deu a voz de alarma e indicou que había persoas atrapadas.

Ata o punto desprazáronse os profesionais de Urxencias Sanitarias de Galicia-061, a Garda Civil, os Bombeiros de Viveiro e os efectivos do GES de Cervo. Unha vez no lugar, os bombeiros tiveron que excarcerar aos condutores de ambos os vehículos que foron trasladados ao centro hospitalario de referencia.