Unha menor resultou ferida leve tras ser atropelada na mañá deste venres na localidade lucense de Foz. Tal como informaron fontes do 112 Galicia, os feitos producíronse sobre as 09.45 horas e foi a Policía Local a que avisou aos xestores de emerxencias do suceso.

Segundo alertaban, unha menor fora atropelada na rúa Eduardo Pondal, na súa intersección con Pascual Veiga, resultando ferida leve, segundo a percepción dos axentes. Por iso, informouse aos servizos sanitarios, así como aos bombeiros e a Protección Civil.