Un particular atopou na mañá deste xoves o corpo sen vida dunha muller, duns 60 anos de idade, na praia da Caosa, en Cervo.

Segundo informan a Europa Press fontes dos servizos de emerxencias, o 112 recibiu a alerta a través dunha chamada ás 10,05. Este particular indicaba que había unha persoa na area e que podía estar falecida.

Seguidamente, o 112 pasou o aviso á Garda Civil, a Policía Local, a Protección Civil, a Salvamento Marítimo e ao Servizo de Gardacostas de Galicia.

De acordo con fontes do Instituto Armado, trataríase dunha muller da contorna dos 60 anos de idade e o corpo non presenta signos externos de violencia.

Os axentes traballan para a identificación plena do cadáver e determinar as circunstancias que rodean o achado.