InicioCulturaFotografía e poesía para que os maiores gocen do Día do Libro...

Fotografía e poesía para que os maiores gocen do Día do Libro en Trabada e Ribadeo

As residencias da institución provincial celebran o Día do Libro coa gravación de vídeos, a lectura de textos, un certame fotográfico ou un balance sobre os beneficios da lectura para as persoas

Publicada o

- Advertisement -

A rede de Centros de Atención a Maiores (CAM) da Deputación de Lugo conmemorou durante toda a semana o Día do Libro con actividades nos seus centros, entre eles, o de Ribadeo e Trabada. Os usuarios e usuarias participaron na lectura de textos e na gravación de vídeos, onde se pode ver aos residentes lendo fragmentos literarios e que se proxectaron en todos os centros este 23 de abril, coincidindo coa efeméride.

Os CAM organizaron un certame fotográfico baixo o título Ollada a un libro. As persoas usuarias elixiron un lugar do centro onde lles gustaría ser fotografados lendo un libro de xeito individual, parellas e en grupo. Nas imaxes pódese ver aos residentes posando nas habitacións, nas salas comúns ou no exterior, como na de Trabada.

O xurado, formado por profesionais da área de Promoción Económica e Social da Deputación, fallaron este 23 de abril o resultado e gravaron un audiovisual para comunicar a decisión nas residencias.

Así mesmo, os residentes animan a familiares, colexios dos municipios e traballadores a participar no primeiro certame de Seniorpía. Trátase dunha proposta literaria en forma de relato, comentario ou poema, nacida en marzo no CAM de Ribadeo, cun máximo de 141 caracteres onde cada palabra leva o mesmo número de letras que cada cifra do número Pi. Os gañadores deste certame, que poden participar en Categoría Pía de 0 a 14 anos e Categoría Senior de maiores de 15 anos, serán elixidos polos propios residentes.

Segundo informa a institución provincial nun comunicado, estas actividades enmárcanse no calendario de actividades que, anualmente, se celebran nos centros provinciais e que permiten “ademais de manter o ánimo dos usuarios e usuarias, é un bo xeito de que exerciten a súa memoria, a capacidade de atención e a creatividade. Estas iniciativas propician o traballo en grupo e o sentimento de comunidade, xa que todos traballan como unha rede”, recoñece o Presidente da Deputación, José Tomé Roca.

ÚLTIMAS

As queixas pola comida na residencia da Pontenova motivo de reunión do BNG cos usuarios

Ante as queixas xurdidas novamente na vivenda comunitaria de A Pontenova polo servizo de...

ACIAFoz sorteará unha cesta entre os clientes máis cafeteiros de 10 locais focegos

AciaFozCCA sorteará unha cesta entre os clientes máis cafeteiros de 10 locais hostaleiros. Esta...

A Garda Civil investiga a tres persoas por deliti de ameazas e inxurias

A Garda Civil investiga na localidade lucense da Pontenova os tres presuntos autores de...

Burela dá por rematadas as obras de mellora no abastecemento da rúa Lamestra

O Concello de Burela informa do remate das obras de ampliación e mellora da...