IniciosociedadeUnha nova falecida por covid-19 no Asilo de Ribadeo nun día con...

Unha nova falecida por covid-19 no Asilo de Ribadeo nun día con 34 mortos en Galicia

En toda a provincia a Xunta informou de dous falecidos. Nos últimos cinco días o Sergas rexistrou 130 mortos.

Publicada o

As vítimas da pandemia en Galicia elévanse a 1.752 tras informar o Sergas de 34 novos falecementos con COVID-19 que se rexistraron desde o pasado 27 de xaneiro. Todos eles presentaban patoloxías previas. Na provincia de Lugo rexistráronse dous mortos nos últimos dous días, unha muller de 67 anos na residencia San Lázaro e San Sebastián de Ribadeo falecida este xoves e unha muller de 92 anos no HULA este venres.

A SEGUNDA CIFRA MÁIS ALTA NA PANDEMIA

Esta cifra é a segunda máis alta comunicada en toda a pandemia na Comunidade galega. En concreto, o día 3 de abril Sanidade informou de 27 falecementos, un dato que se igualou esta mesma semana con 27 casos comunicados este luns e superado este mércores, cando transcenderon 29 novas vítimas, e posteriormente este xoves (con 30).

O pasado 1 de abril o departamento autonómico informou de 36 mortes, tamén correspondentes a varios días tras corroborar que se trataban de casos con covid, a cifra máis elevada de toda a crise sanitaria. Así, e segundo os novos datos do Sergas, o día 27 de xaneiro faleceu unha muller de 90 anos no Complexo Hospitalario da Coruña e outra de 93 que se atopaba na Paz e Ben de Tui. Doutra banda, o xoves 28, faleceron dous homes de 63 e 80 anos, respectivamente, e tres mulleres de 88, 90 e 78 anos en Complexo Hospitalario de Vigo; dous homes de 79 e 90 anos e catro mulleres, de 72, 87, 83 e 89 anos, no Chuac; dúas mulleres de 88 89 anos no Complexo Hospitalario de Santiago, esta última da residencia de maiores de Ribeira; un home de 98 anos no Hospital Comarcal de Verín e que procedía da residencia Santa María.

DOCE DEFUNCIÓNS ESTE VENRES

A mesma xornada tense constancia dun home de 78 anos no Complexo Hospitalario de Ferrol, unha muller de 90 no mesmo centro pero que procedía da residencia A miña Casa; unha muller de 83 e un home de 92 no CHOP; un home de 61 no seu domicilio en Ponte Caldelas; e unha muller de 67 na residencia San Lázaro e San Sebastián de Ribadeo. O resto de casos, 12, todos este mesmo venres, son unha muller de 61 anos e outra de 84 no Chuvi, a primeira da residencia Casa A Nosa Señora de Fátima e Cristo Rei de Crecente; un home de 96 no CHUP; unha muller de 85 no Chuac; un home de 64 no CHUS; unha muller de 86 no Hospital Virxe da Xunqueira de Cee; unha muller de 94 no CHUO e que procedía do Fogar Residencial Branco Amor de Boborás; unha muller de 55 anos da Residencia de gravemente afectados Pai Menni de Betanzos; unha muller de 92 no HULA; dous homes de 77 e 84 na DomusVi de Carballo e un de 91 na residencia Virxe da Clamadoira de Muiños. Please wait while you are redirected...or Click Here if you do not want to wait.

ÚLTIMAS

O PP ofrece unha suba importante de votos na Mariña segundo os datos do 18F

Galicia é diversa. A nosa terra é un territorio onde nada ten que ver a...

Cervo recupera a panorámica da Atalaia derrubando parte do esqueleto dun edificio

O Concello de Cervo inicia este ano 2024 acadando un obxectivo ambicioso perseguido desde...

A concelleira de Cultura de Foz cre que o PP quere acabar co Entroido

A concelleira de Cultura en Foz, Inés López Couto, manifesta que “os intereses partidistas...

O TS estuda este mércores o recurso da defensa da viaxe de ‘El Pequeño Nicolás” a Ribadeo

O Tribunal Supremo (TS) estudará este mércores o recurso que presentou a defensa de...