A Xunta de Galicia ordenou o peche completo da hostalaría e a suspensión de actividades non esenciais en tres municipios: Arteixo, Viveiro e Xinzo, concellos de máis de 10.000 habitantes que preocupan aos expertos de forma especial porque presentan unha incidencia por encima dos 1.000 casos por 100.000 habitantes a 14 días.

Así o explicou o conselleiro de Sanidade, Julio García Comesaña, que compareceu en rolda de prensa para informar as decisións tomadas este luns no seo do comité clínico de expertos que asesora á Xunta en materia de coronavirus.

Viveiro ten, segundo o reconto ofrecido polo Servizo Galego de Saúde (Sergas) este martes, 267 positivos nos últimos 14 días.