Viveiro, con 14 casos máis, e Xove rondan os 80 positivos novos nas últimas dúas semanas

- Advertisement -

O número de casos activos de coronavirus na provincia de Lugo aumenta a 531 (24 máis ca na anterior actualización), segundo o reconto ofrecido este martes polo Servizo Galego de Saúde (Sergas). Nas últimas 24 horas confirmáronse un total de 46 positivos novos por PCR.

Dos 531 contaxiados, 17 permanecen ingresados (sen variacións). O Hospital da Mariña atende nove pacientes con Covid-19, por cinco o HULA e tres o centro hospitalario de Monforte. Non hai, segundo o reconto, doentes na área sanitaria lucense que requiran de coidados intensivos.

NOVE POSITIVOS INGRESADOS NO HOSPITAL DA MARIÑA

No histórico da provincia documéntanse 146 falecementos, o último o dunha residente do xeriátrico de Xove, 6.649 altas e 7.328 casos acumulados desde o inicio da pandemia. Fixéronse 128.312 PCR, o que implica que nas últimas 24 horas efectuáronse 987 probas.

No tocante á situación epidemiolóxica por municipio, Viveiro acumula 78 positivos novos nas últimas dúas semanas; son 14 máis dos comunicados onte. Xove, pola súa banda, alcanza os 79 contaxios detectados en 14 días, tres máis ca na anterior actualización. Estes dous municipios permanecen pechados perimetralmente pola Xunta de Galicia.

Outros catro concellos da Mariña superan as dez infeccións localizadas nese mesmo prazo: son Ribadeo (29, +1), Burela (28, +3), Cervo (11) e Foz (10). Barreiros e Lourenzá son os únicos municipios da comarca libres de Covid-19; os restantes teñen entre un e nove casos en 14 días.

NOVE POSITIVOS INGRESADOS NO HOSPITAL DA MARIÑA

ÚLTIMAS

Burela acolle cursos formativos para persoas estranxeiras e a preparación de probas oficiais

ACISA integra hoxe os negocios da Praza de Abastos logo do acordo entre patronal local e Asociación de Praceiros

O comité de empresa de Alcoa reclama unha reunión co Goberno ante a situación do sector do aluminio

Conferencia ‘A cova de San Xoán Vello: novas achegas desde a arqueoloxía’ en Viveiro