IniciosociedadeAs aulas multiusos, sensorial e de psicomotricidade amplían a oferta do centro...

As aulas multiusos, sensorial e de psicomotricidade amplían a oferta do centro de día de Aspanane

Dezanove usuarios benefícianse dos servizos, financiados nun 80% polo GDR Terras de Miranda, que lles permiten gañar en autonomía, iniciarse en Internet ou traballar musculatura e mobilidade

Publicada o

- Advertisement -

A Asociación de pais de persoas con discapacidade intelectual de Viveiro (Aspanane) conta deste este ano con tres aulas -unha multiusos, outra de psicomotricidade e outra sensorial- para o seu centro de día. Un proxecto que tivo un orzamento de 34.833 euros, financiado ao 80% polo Grupo de Desenvolvemento Rural (GDR) Terras de Miranda.

Estas tres aulas viñeron a solventar carencias que tiña a agrupación no seu centro de día e a ampliar o seu abano de posibilidades. “A creación dunha aula multisensorial cubre moitas delas, xa que serve para estimular tanto os sentidos coma o equilibrio, a relaxación, ou unha cama de auga que é especialmente importante para as persoas que temos en cadeira de rodas, porque é idónea para traballar a fisioterapeuta ou o terapeuta ocupacional; quedan relaxados, menos contraturados, é unha mellora impresionante”, explica a directora, Elena Santos. Deste xeito, os usuarios poden aumentar o seu grao de autonomía.

Por outra banda, a aula de psicomotricidade consta de escaleiras para poder subir e baixar ou paralelas -a fin de traballar ombros-, o que permite traballar a actividade física, “o músculo ou a mobilidade, que é moi beneficioso para eles”. Este servizo axuda á unha correcta hixiene postural, previr caídas, gañar forza muscular e tamén a reducir a ansiedade e o estrés.

Finalmente, a aula multiusos ten unha parte de descanso, outra de informática e outra para traballar en grupo. “Ábrenos moitas posibilidades pois permítenos facer un montón de talleres“, indica Santos. Aprender a manexar o ordenador e iniciarse no uso de internet, mellorar a discriminación visual ou estimular funcións cognitivas, tales como a atención, a percepción ou a memoria, foron algunhas das actividades realizadas.

O OBXECTIVO, AXUDAR A DESENVOLVER UN PROXECTO DE VIDA

Aínda que as tres aulas estaban en funcionamento á altura do confinamento, Santos concreta que “agora cobraron moita máis importancia. Despois de meses na casa un agarrótase e costa volver empezar, así que para nós son unha marabilla”. O centro de día de Aspanane, aberto no 2009, conta con 19 usuarios, que se benefician na súa totalidade desta mellora.

Aspanane é unha asociación veterana, fundada no 1981. O colectivo, sen ánimo de lucro, atende a usuarios do Vicedo, Ourol, Viveiro, Xove e Foz. O seu obxectivo é traballar con persoas con discapacidade intelectual adultas para conseguir a súa integración na sociedade e mellorar a súa calidade de vida e das súas familias, de xeito que poidan desenvolver un proxecto de vida, así como promover a súa inclusión como cidadáns de pleno dereito nunha sociedade xusta e solidaria.

UNHA RESIDENCIA, MATERIA PENDENTE

A vindeira meta da agrupación é contar cunha residencia para persoas con discapacidade intelectual, que sería a primeira da Mariña Lucense. Servirá para amparar a aquelas que sobrevivan aos seus familiares. “A medida que se van facendo maiores, tanto eles como as súas familias, aumentan as complicacións, e para os irmáns ás veces é complicado facerse cargo. Precisámola como o comer porque é unha materia pendente. Non hai un xeriátrico así en toda a comarca e incluso hai escaseza de prazas nas provincias de Lugo ou A Coruña”, concreta Santos.

ÚLTIMAS

O PP ofrece unha suba importante de votos na Mariña segundo os datos do 18F

Galicia é diversa. A nosa terra é un territorio onde nada ten que ver a...

Cervo recupera a panorámica da Atalaia derrubando parte do esqueleto dun edificio

O Concello de Cervo inicia este ano 2024 acadando un obxectivo ambicioso perseguido desde...

A concelleira de Cultura de Foz cre que o PP quere acabar co Entroido

A concelleira de Cultura en Foz, Inés López Couto, manifesta que “os intereses partidistas...

O TS estuda este mércores o recurso da defensa da viaxe de ‘El Pequeño Nicolás” a Ribadeo

O Tribunal Supremo (TS) estudará este mércores o recurso que presentou a defensa de...