IniciosociedadeA plataforma alerta da escaseza de vacinas antigripais e esixe ao Sergas...

A plataforma alerta da escaseza de vacinas antigripais e esixe ao Sergas que garanta o subministro

"Moitos centros de saúde non dispoñen das doses suficientes para vacinar a todas as persoas que teñen citadas e mesmo teñen que volver á casa" sen poñer o fármaco, afirma o colectivo

Publicada o

- Advertisement -

A Plataforma na Defensa da Sanidade Pública da Mariña denunciou este luns a través dun comunicado de prensa que, malia que as autoridades sanitarias e o Sergas chamaron a unha vacinación antigripal masiva da poboación, “moitos centros de saúde non dispoñen das doses suficientes para vacinar a todas as persoas que teñen citadas, e mesmo teñen que volver á casa sen poñer” o fármaco.

“Este feito está a producir malestar e incluso indignación entre a veciñanza, pois atópanse con que non hai vacinas suficientes a pesar de que estamos no inicio da campaña de vacinación”, criticou o colectivo.

Segundo expón a plataforma, “o problema radica nas vacinas para menores de 65 anos, e casualmente neste rango de idade está a aumentar moito a demanda, en resposta á campaña mediática feita polo goberno da Xunta para evitar solapamentos entre os picos de gripe e os brotes de covid-19 e desconxestionar así os hospitais e centros de saúde”.

O COLECTIVO REXEITA A “CULPABILIZACIÓN” DO PERSOAL

Desde a Plataforma Sanitaria esixen aos responsables sanitarios “que se deixen de culpabilizar e criminalizar unha vez máis ao persoal sanitario e doten de todas as doses de vacinas que se precisen nos centros, para asegurar que toda a poboación que o desexe ou precise sexa vacinada. O persoal, tanto sanitario como administrativo, está a facer un inmenso traballo de asistencia, rastrexo e seguimento de casos sumado a toda actividade que xa ten que realizar habitualmente”, argumenta a voceira do colectivo, Montse Porteiro.

Neste sentido, Porteiro manifestou que “as declaracións feitas desde a Consellería de Sanidade culpabilizando e acusando ao persoal de mala xestión son inadmisibles e compre que o Goberno da Xunta asuma as súas responsabilidades e deixe de culpabilizar ao persoal da súa propia incompetencia”.

ÚLTIMAS

O PP ofrece unha suba importante de votos na Mariña segundo os datos do 18F

Galicia é diversa. A nosa terra é un territorio onde nada ten que ver a...

Cervo recupera a panorámica da Atalaia derrubando parte do esqueleto dun edificio

O Concello de Cervo inicia este ano 2024 acadando un obxectivo ambicioso perseguido desde...

A concelleira de Cultura de Foz cre que o PP quere acabar co Entroido

A concelleira de Cultura en Foz, Inés López Couto, manifesta que “os intereses partidistas...

O TS estuda este mércores o recurso da defensa da viaxe de ‘El Pequeño Nicolás” a Ribadeo

O Tribunal Supremo (TS) estudará este mércores o recurso que presentou a defensa de...