IniciosociedadeUn ribadense denuncia ao Sergas tras dous anos sen unha proba de...

Un ribadense denuncia ao Sergas tras dous anos sen unha proba de esforzo

É a primera vez que un usuario acode aos xulgados, segundo a plataforma sanitaria mariñá

Publicada o

- Advertisement -

Despois de dous anos de espera para facer unha proba de esforzo, un paciente de Ribadeo, F. J. C. D., presentou unha denuncia no xulgado de Mondoñedo contra o Servizo Galego de Saúde (Sergas). É a primeira vez que un doente utiliza a vía xudicial para reclamar unha mellor atención sanitaria desde que a Plataforma en Defensa da Sanidade da Mariña comezou a súa actividade.

A proba de esforzo que precisa o denunciante ten que ver cun problema de corazón. Segundo explica a plataforma nun comunicado, o doente ten colocado un stent -un pequeño tubo para ensanchar vasos sanguíneos estreitos ou bloqueados- na arteria coronaria dereita desde o ano 2006 e este tratamento require de controis anuais. O último exame feito polo paciente data de 2015, de xeito que leva dous anos sen realizar as probas necesarias.

o doente di que lle cambiaron a dose dalgunhas menciñas sen probas e sen comunicarllo

O denunciante asegura que acudiu en numerosas ocasións a Atención Ao Paciente, sen recibir resposta. O pasado 19 de abril, coa axuda da plataforma sanitaria mariñá, presentou unha reclamación, con número de entrada 1887. O detonante da denuncia foi que, logo de acudir á farmacia para recoller a medicación que toma desde hai once anos, atopouse “coa sorpresa de que modificaran a dose dalgunhas destas menciñas sen previo aviso e sen que ninguén me informara nin fora visto por médico algún. Cando lle preguntei á miña médica de familia, díxome que ela recibira ordes escritas de tal cambio”, explica o doente.

PODE “SENTAR PRECEDENTE”

Así, o doente presentou un escrito de denuncia no Xulgado de Mondoñedo o 11 de maio do 2018. Para Montse Porteiro, portavoz da plataforma sanitaria da comarca, esta primeira denuncia “pode sentar un precedente e facer perder o medo a outras persoas que reciben unha atención sanitaria insuficiente no Hospital da Costa. Os recortes que estamos a vivir poden custar vidas, así que esiximos ao Sergas e á Xerencia que se deixen de propagandas ambiguas”, sostén.

ÚLTIMAS

Morre tamén a nai da falecida no incendio do Valadouro

A muller de 77 anos trasladada ao Hospital da Mariña polas feridas sufridas no incendio...

ACISA Ribadeo anima ás empresas locais a unirse ao Bono Activa Comercio

Acisa anima ás empresas locais a adherirse ao Bono Activa Comercio da Xunta....

A CAMOVI de Viveiro será unha homenaxe a Ramón Blanco na edición deste ano

O Concello de Viveiro será esta próxima fin de semana o escenario dunha nova...

O sábado 20 de abril comeza a XVII Edición de Ribadeo de Tapeo

Este sábado, 20 de abril, dará comezo o XVII Ribadeo de Tapeo, un dos...