IniciosociedadeUnha sala de radioloxía de Urxencias ficou avariada desde o 15 de...

Unha sala de radioloxía de Urxencias ficou avariada desde o 15 de setembro

A CIG denuncia que o único TAC do Hospital da Costa tampouco estivo operativo e a Xunta responde que as repercusións asistenciais "foron mínimas"

Publicada o

- Advertisement -

O Servizo Galego de Saúde (Sergas) afirmou nun comunicado que a sala de radioloxía 1 de Urxencias do Hospital da Costa, avariada desde o pasado día 15 de setembro, “estará previsiblemente arranxada este mércores”. O organismo da Xunta de Galicia respondeu así a unha denuncia da CIG-Saúde.

O sindicato asegurou que o único éscaner para realizar tomografías axiais computarizadas (TAC) do que dispón o centro hospitalario mariñao tamén se atopa avariado. Ademais, precisou a CIG, a sala 2 de radioloxía non está operativa ao cen por cen.

ADULTOS EN PEDIATRÍA

A central nacionalista lembrou que estas carencias supoñen “unha sobrecarga para os profesionais” e “atrasos nos resultados das probas para a diagnose” nun momento “no que a ocupación do Hospital da Costa é do 100%, con adultos ingresados en pediatría por falta de camas“.

O SERGAS NEGA “ATRASOS”

Fontes do Sergas resaltan que “está previsto que este mércores estas avarías queden solventadas” e negan os atrasos denunciados pola CIG. “Adoptáronse todas as medidas necesarias para reorganizar a actividade e a repercusión asistencial foi mínima e escasa“, subliñan.

CRÍTICAS AO PP

A CIG preguntou aos responsables do PP da comarca se os aparatos avariados “son os máis e mellores servizos” anunciados para o Hospital da Costa. O Sergas, pola súa banda, insiste en que o Plan Director do complexo hospitalario inclúe “actuacións futuras no servizo de radiodiagnóstico“.

ÚLTIMAS

O comité de Alcoa informa de que recibiu o interese de seis empresas na compra

O comité de Alcoa en San Cibrao informa de que a compañía recibiu o...

Viveiro retira os vehículos abandonados na vía pública

A tenenta de alcaldesa e responsable da área de medio ambiente do Concello de...

Ribadeo eliminará as barreiras arquitectónicas de la EMMeD

O Concello eliminará as barreiras arquitectónicas da EMMeD, que contará con ascensor e...

Barreiros encherá xuño cunha axenda cultural completa

O Concello de Barreiros, a través da súa concellaría de Dinamización, lanza o...