O Concello fixo públicos os nomes dos gañadores do Concurso de Balcóns e Fachadas Cidade de Mondoñedo, un certame que impulsa o goberno local para lucir o casco histórico da cidade.

Pilar Pedreira Piñeiroa foi a gañadora da edición 2018 do concurso, cunha nota de 7,67 e un premio de 250 euros. Cristina Carracedo Doural obtivo o segundo posto, cun 7,17 e unha dotación de 200 euros.

O terceiro premio foi para Ángeles Sánchez Armesto, que gañou 150 euros, polos 100 que se embolsou Estrella Terrón Tiagone, que obtivo a cuarta praza. José Luis Sánchez, que recibiu 75 euros, e Cristina de Palacios, que levou 50, completaron o cadro de honra do certame.

CALIDADE

O concelleiro de cultura, Alberto García, destaca a calidade das propostas desta edición, que mantivo as cifras de participantes dos dous anos anteriores.