IniciosociedadeBombóns con algas ou un labirinto en Rinlo, entre os plans do...

Bombóns con algas ou un labirinto en Rinlo, entre os plans do Galp que apoia a Xunta

A Consellería do Mar concedeu axudas a doce proxectos na bisbarra, cun investimento que supera os 360.000 euros

Publicada o

- Advertisement -

A Consellería do Mar aprobou axudas a un total de 17 proxectos do Grupo de Acción Local Pesqueira (Galp) A Mariña-Ortegal, entre os que se atopan 12 propostas na bisbarra, cun investimento que supera os 360.000 euros. O Fondo Europeo Marítimo de Pesca (FEMP) cofinanciará as subvencións.

DOCUMENTAL BURELA-CABOVERDE

Burela Sabí‘, un documental impulsado pola asociación de xubilados do Mar A Moncloa, que tratará a convivencia na pesca entre mariñaos e caboverdianos, recibirá 10.800 euros de axuda. ‘Cervo a carón do mar‘ inclúe varias iniciativas adicadas a promocionar o ourizo de mar -a propia exaltación e un libro-recetario- e o Sendeiro Azul do Torno. O importe da subvención é de algo menos de 54.500 euros.

CETARIA EN SAN CIBRAO

As xornadas técnicas Expomar recibirán unha achega de 11.260 euros. A Xunta tamén impulsará a creación dunha cetaria e un cocedoiro de marisco en San Cibrao (34.164 euros) ou o proxecto dun propietario dunha embarcación de pesca artesá en Ribadeo, que mercará un vehículo cun isotermo para que non se rompa a cadena de frío no traslado do peixe (14.416 euros); esta mesma iniciativa tamén se premiou no Folgueiro (11.127) e O Vicedo (11.856).

Porto de Ribadeo. AXM

A elaboración de bombóns con alga de mar sen lactosa en Ribadeo (30.300 euros), a creación dun parque recreativo cun percorrido labiríntico en Rinlo (72.634 euros), que incluirá un mirador e unha zona de aluguer de equipos de pesca, e a adquisición, por parte da confraría ribadense, dun fabricador de xeo e un vehículo isotermo (30.450 euros) son outros dos proxectos que financiará a Xunta. 

CERVEXA CON AUGA DE MAR

A Consellería do Mar tamén concedeu axudas para a fabricación da cervexa artesá Augas Santas, feita con auga mariña (Barreiros, 42.497 euros) e a ampliación da marisquería Porto de Rinlo (36.932).

FORMACIÓN

O GALP A Mariña-Ortegal puxo en marcha o programa de formación Vidas Mariñeiras.

Cartel de Vidas Mariñeiras. AXM

O alumnado de terceiro e cuarto da Eso dos municipios que abrangue o grupo ten ata o 3 de outubro para presentar un guion dunha peza audiovisual que retrate os oficios tradicionais da cultura mariñeira. Preme no enlace para consultar as bases do concurso. a marina ortegal vidas marineiras

ÚLTIMAS

José Antonio Zan: “Alcoa fai un paripé coa venda de San Cibrao para aumentar os ingresos”

O responsable de Comisións Obreiras en Alcoa San Cibrao, José Antonio Zan, cre que a...

Viveiro retira os vehículos abandonados na vía pública

A tenenta de alcaldesa e responsable da área de medio ambiente do Concello de...

Ribadeo eliminará as barreiras arquitectónicas de la EMMeD

O Concello eliminará as barreiras arquitectónicas da EMMeD, que contará con ascensor e...

Barreiros encherá xuño cunha axenda cultural completa

O Concello de Barreiros, a través da súa concellaría de Dinamización, lanza o...