IniciosociedadeO comercio mariñao animará o outono con tapeos e o sorteo de...

O comercio mariñao animará o outono con tapeos e o sorteo de 10.500 euros

A FCAM sorteará 1.500 euros en sete localidades da Mariña entre o 22 de setembro e o 3 de novembro

Publicada o

- Advertisement -

A Federación de Comercio A Mariña (FCAM) sorteará 10.500 euros nunha campaña que ten como obxectivo potenciar as compras nos negocios tradicionais das vilas e que durará do 16 de setembro ao 3 de novembro.

As persoas interesadas en participar deben gardar os tíckets das compras nos establecementos que secundan a campaña, para así entrar nos sete sorteos de 1.500 euros que a FCAM fará en distintas localidades da bisbarra.

Os sorteos serán en Viveiro, Covas, Burela, Ribadeo, Foz, Lourenzá e Xove. A cidade do Landro acollerá o primeiro deles, o 22 de setembro. O seguinte será en Covas, o 29. No mes de outubro celebraranse en Burela (día 6), Ribadeo (13), Foz (20) e Lourenzá (27). A campaña rematará en Xove o 3 de novembro.

A FCAM disporá unha carpa que atenderá, en horario de 11.00 a 14.00 horas e de 17.00 a 20.30, a todos os clientes que queiran cambiar os tíckets de compra por boletos para os sorteos. A Xunta de Galicia e maila Federación Galega de Comercio colaboran con esta iniciativa.

VOLVEN OS TAPEOS

Desde o 4 de outubro volverá o Juepeo a Viveiro. Participarán na iniciativa, polo de agora, un mínimo de doce locais de hostalería. O programa inclúe sorteos entre os clientes -que recibirán unha tarxeta por cada tapa- de 200 euros en vales de compra nos locais participantes. Tamén haberá promocións de entradas para cine.

Antes, nas dúas últimas fins de semana de setembro, celebrarase unha ruta de tapas con produtos do medio mariño dentro do programa de Vivemar.

En Burela regresaron xa os Juernes, que se prolongarán durante o outono, o inverno e a primavera. Sete negocios da vila ofecen tapas a dous euros, co atractivo dun sorteo de 350 euros cada mes

Cartel dos Juernes bureleses.

TEATRO EN VIVEIRO

O Centro Comercial Casco Histórico de Viveiro (CCHV) impulsa este sábado, 15 de setembro, unha obra de teatro a cargo do grupo Ardora. A compañía cervense interpretará ‘Amor filial‘ nunha actividade que se enmarca dentro do ciclo Buxiganga da Deputación de Lugo. Será desde as 20.30 horas, na Praza da Fontenova.

ÚLTIMAS

Morre tamén a nai da falecida no incendio do Valadouro

A muller de 77 anos trasladada ao Hospital da Mariña polas feridas sufridas no incendio...

ACISA Ribadeo anima ás empresas locais a unirse ao Bono Activa Comercio

Acisa anima ás empresas locais a adherirse ao Bono Activa Comercio da Xunta....

A CAMOVI de Viveiro será unha homenaxe a Ramón Blanco na edición deste ano

O Concello de Viveiro será esta próxima fin de semana o escenario dunha nova...

O sábado 20 de abril comeza a XVII Edición de Ribadeo de Tapeo

Este sábado, 20 de abril, dará comezo o XVII Ribadeo de Tapeo, un dos...