Un total de 53 maiores de Riotorto desfrutan de atención profesional mediante a Teleasistencia e o Servizo de Axuda no Fogar que impulsa a Deputación de Lugo, cun investimento de 24.000 euros.

Deses 53 anciáns, 49 veciños benefícianse do servizo de axuda no fogar (SAF) e outros catro da teleasistencia, gratuíta e dirixida ás que sofren algún tipo de limitación en canto á súa autonomía. Esta prestación está operativa 24 horas. 

No tocante ao SAF, o goberno provincial sufraga, nos 66 municipios de menos de 20.000 habitantes da provincia, os gastos de persoal do servizo a domicilio, como o acompañamento a citas médicas, entre outras cuestións, que redunden na mellora da atención profesional aos usuarios deste servizo.