IniciosociedadeOs sabores da Mariña triunfan na Vuelta

Os sabores da Mariña triunfan na Vuelta

A Asociación de Cociñeiros da Mariña preparou receitas con produtos da bisbarra na saída da etapa da Vuelta en Salamanca

Publicada o

- Advertisement -

A Asociación de Cociñeiros da Mariña estivo o pasado martes na zona VIP da saída de La Vuelta a España, onde preparou diversas receitas con produtos da bisbarra para deleite dos afeccionados e personalidades que se achegaron polo posto da campaña ‘E para comer, Lugo‘, que impulsa a Asociación Provincial de Empresarios de Hostalería de Turismo de Lugo (APEHL).

Os chefs mariñaos cociñarán en tres etapas. Así, David Rodríguez Moledo, de A Mirandilla de Rinlo, Bruno Perna Arnaú, do restaurante mindoniense A Horta de Paula e Waldo José González-Redondo, da panadería Rubal, representaron á agrupación en Salamanca.

Afeccionados da Vuelta, a degustar os aperitivos. AXM

SÚMANSE MÁIS MEMBROS

Este mércores, o colectivo estará presente en Mombuey, e o xoves, en Mondoñedo, na apertura da etapa da Vuelta que percorrerá A Mariña. Participarán Jesús Villarino Gavín, do restaurante Asador (Barreiros); Jorge López, de O Pazo de Tovar (Lourenzá); Míchel Cociña, de Casa Miranda (Burela), e Alejandro Arca Uría, de Arume Gastrobar (Viveiro).

APERITIVOS

Todos os aperitivos foron elaborados con produtos da terra e ofrecéronse diferentes platos como empanada de Galo de Mós en berza da horta de Mondoñedo; pescada de Burela, mousse de Faba de Lourenzá e xel de Pementos de Mougán; Fabas de Lourenzá con Cordeiro de raza Ovella Galega; steak tartare de Rubia Galega con Arzúa Ulloa e Pemento de Mougán sobre Galletas Daveiga, e crema de queixo do Cebreiro e Mel de Galicia.

ÚLTIMAS

Burela realiza melloras na canceira municipal xestionada pola Asociación Bigotes

O Concello de Burela vén de realizar unha serie de melloras na canceira municipal,...

Espectáculo ‘Sentir’ do Mago Rafa no Pastor Díaz de Viveiro

O Teatro Pastor Díaz do Concello de Viveiro acollerá a representación do novo espectáculo...

Viveiro realiza labores de mantemento nas cunetas de Naseiro

A Tenencia de Alcaldía de Viveiro, a través da Concellería de Medio Rural, realizou...

O futuro da Mariña: unha historia aínda sen argumento

Alcoa anunciaba que paralizaba a construción do forno de cocción de ánodos, un dos compromisos...