O Concello da Pontenova convoca aos veciños o vindeiro martes, día 15 de abril, para unha xuntanza que comezará ás 20.30 horas no salón de actos da casa da cultura.

O tema a tratar na reunión será que medidas adoptar despois da xubilación do médico de familia, Ramón Francisco Castro Vázquez, dado que o Servizo Galego de Saúde (Sergas) decidiu non cubrir a praza do galeno.

O goberno local anima a todos os pontenoveses a participar na xuntanza, xa que é unha problemática que afecta a todos.