IniciosociedadeFestas da malla na Pontenova e en Rúa, en Cervo

Festas da malla na Pontenova e en Rúa, en Cervo

Os veciños recrerarán este traballo tradicional que se foi abandonando ou modernizando a partir da década dos oitenta

Publicada o

- Advertisement -

Cervo e A Pontenova celebran durante a fin de semana as súas festas da malla. Os veciños volven a vista atrás para revivir unha tarefa fundamental para as economías de autoconsumo do rural, que se foi abandonando a partir dos anos oitenta.

Na parroquia cervense de Rúa, a malla terá lugar o sábado a partir das 18.00 horas, pero a festa, organizada pola Asociación de Veciños de Rúa Candelaria, animará o lugar durante toda a xornada cun xantar, paseos a cabalo a cargo de Cabaliño de Pao, rutas de sendeirismo, demostracións de cestería e xogos populares.

O alcalde de Cervo, o popular Alfonso Villares, e a edil de cultura, Dolores García, participaron da presentación do evento xunto a membros da organización, que anima aos visitantes a acudiren “vestidos de época” para ambientar.

A PONTENOVA

Ese mesmo día, no concello pontenovés, a cuarta edición da cita incluirá por primeira vez demostracións con malles –un apeiro manual para bater o cereal e extraer o gran-.  O xoves, Amigos da Malla levarán ata a vila o trigo, que espera na eira de Manolo Pada, quen puxo a semente da festa e se encarga de botar o creal cada ano.

O sábado contará coa colaboración duns vintecinco veciños e veciñas para os traballos da malla, que comezarán ao mediodía e se retomarán á tarde, tras unha parada para a sesión vermú e a comida. Os asistentes poderanse divertir con xogos populares e actividades acuáticas no Pozo da Ola.

 

ÚLTIMAS

As Festas do Carme en Porcillán contarán coa colaboración do Concello de Ribadeo

Do 19 ao 21 de xullo celébranse en Porcillán as festas do Carme, que...

Viveiro presenta unha APP que permite ver en 3D as antigas portas da vila

O Concello de Viveiro presentou esta mañá a súa nova APP, que permite experiencias...

X Edición da 1/2 km Vertical Monte Comado en Barreiros

O vindeiro domingo, 21 de xullo, Barreiros acollerá a décima edición da carreira popular...

As xornadas de Historia da Pomba do Arco en Foz abordarán desde a romanización até o nazismo

A casa da cultura Poeta Manuel María de Foz acolle entre 29 de xullo...