Preto de 480 rapaces e rapazas participaron nos campamentos organizados durante este verán no albergue xuvenil da Devesa, en Ribadeo.

Os usuarios das instalacións, dependentes da Consellería de Política Social, disfrutaron de estancias de 12 días de duración nos que desenvolveron diferentes actividades deportivas e lúdicas como surf, kaiak, bodyboard, snorquel, BTT, escalada en rocódromo, tiro con arco ou obradoiros de reciclaxe, aulas da natureza e rutas con acampada, entre outras.

O albergue ofreceu 160 prazas por quenda, a rapaces e rapazas entre 10 e 14 anos

Ademais dos campamentos organizados pola Xunta, o albergue ofertou prazas concertadas para que concellos e asociacións veciñais levaran a cabo as súas actividades.

OBRAS

Este venres, o delegado territorial do goberno galego en Lugo, José Manuel Balseiro visitou as instalacións para facer balance da campaña estival, e lembrou que, no último ano, a Xunta realizou obras de modernización, mantemento e adecuación das instalacións do albergue por valor duns 94.000 euros.