O restaurante Buenavista, con “Trampantojo de erizo”, foi o gañador do concurso de tapas de vixésimo novena edición da Festa do Ourizo, que se celebrará o vindeiro sábado, 14 de marzo, na Praza dos Campos.

En total, os hostaleiros participantes -Buenavista, O Faro, Nordesía, A Bodega, O Noso Lar, As Titas e Maruxaina– presentaron 14 tapas ao certame. As bases permitían presentar dúas como máximo.

O segundo posto foi para O Faro, con “Saquito Filo Tierra-Mar” e o terceiro para A Bodega por “Canutillos de erizo“.

O xurado estivo composto por tres dos membros da Asociación de Cociñeiros da Mariña Lucense –Jesús Villarino, Míchel Cociña e Bruno Pena-, que ofrecerá un showcooking durante a exaltación gastronómica e tamén participará no MasterChef infantil, no que os pequenos recibirán de regalo un delantal.

A Festa do Ourizo, declarada de Interese Turístico Galego, contén un amplo programa de actividades paralelas que podes consultar nesta ligazón.