A piscina olímpica de Lieiro, no municipio de Cervo, acollerá o vindeiro sábado, 7 de marzo, un bautismo de mergullo organizado polo C. A. S. Costa de Lugo.

A actividade impartirase en horario matinal, de 10.00 a 14.00 horas. Os participantes poderán coñecer o equipo que usan os submarinistas en cada mergullo, cunha explicación sobre todos os elementos do traxe especial. E tamén poderán “respirar por primeira vez baixo a auga”, destacan os organizadores.

As prazas son limitadas e o prazo de inscrición está aberto. Os interesados en participar na actividade poden inscribirse por vía telefónica (chamando ao número 609.42.32.10) ou ben por correo electrónico, enviando un e-mail a info@buceocostalugo.es.