IniciosociedadeA formación en empresas agroforestais, baza do novo ciclo dual do Porta...

A formación en empresas agroforestais, baza do novo ciclo dual do Porta da Auga

Seis firmas mariñás e asturianas do sector formarán ao alumnado de Electromecánica de Maquinaria, titulación única en Galicia

Publicada o

- Advertisement -

O Centro Integrado de Formación Profesional (CIFP) Porta da Auga de Ribadeo presentou este luns unha formación única en Galicia, o ciclo de Electromecánica de Maquinaria, que se ofertará por primeira vez en modalidade dual. O alumnado compaxinará as clases teóricas no centro educativo coa aprendizaxe práctica en seis empresas colaboradoras do sector agroforestal.

O ciclo durará desde setembro do 2018 ata agosto do 2020. Durante os dous cursos dos que consta o programa, o alumnado alternará os períodos de ensinanza teórica, no centro, e a formación nas empresas, cunhas bolsas durante este período de 500 euros mensuais.

o alumnado accederá a bolsas de 500 euros mensuais durante o período práctico

O CIFP Porta da Auga asinou convenios con seis empresas do sector agroforestal, que abranguen a Mariña central, oriental e o occidente de Asturias, para que os alumnos completen a súa formación práctica. As firmas colaboradoras son Cooperativas Lácteas Unidas (CLUN SCG) de Os Irmandiños, en Ribadeo; Centro Técnico de Maquinaria Forestal (TECMAF), de Barreiros; Logmax Iberia, de O Valadouro e Foz; Talleres El Frondigo, de Vegadeo; Agroforestal Rouco, do Valadouro; e Talleres Ramón Castro (MONRA Forestal), de Castropol.

MATRÍCULA

Os requisitos para poder acceder a esta formación son ostentar a certificación académica de acceso a ciclo medio e ter unha idade comprendida entre os 18 e os 29 anos. O centro abriu o prazo de matrícula para as doce prazas ofertadas, que ficará aberto ata setembro. A directiva do CIFP anima aos interesados a achegarse polas dependencias do mesmo, onde poderán asesorarse sobre calquera dúbida.

o centro asinou convenios con media ducia de compañías da mariña central, oriental e occidente de asturias

NOVA DIRECTIVA

O CIFP deu a coñecer ademais a súa nova directiva. Logo de máis dunha década á fronte do centro, Beatriz Dobaño, xa ex directora, e Jesús Menéndez, ex vicedirector, deixan os seus postos a Isidro Berdeal Díaz e Begoña Vázquez Veiga, respectivamente.

Isidro Berdeal Díaz é profesor de Automoción do centro, no que tamén foi alumno. Begoña Vázquez Veiga é docente da especialidade de servizos socioculturais e á comunidade. José Manuel López Teijeira seguirá como xefe de estudos, e Rafael Fernández Reiriz continuará como secretario. A nova directiva mostrou a intención de manter a mesma liña da anterior.

OFERTA EDUCATIVA

Administración e Finanzas, Servizos Socioculturais e á Comunidade, Electricidade e Electrónica, Edificación e Obra Civil e Transporte e Mantemento de Vehículos son as cinco ramas de formación que ofrece o centro. Podes consultar a súa oferta educativa completa aquí.

ÚLTIMAS

Alcoa seguirá adiante coa venda de San Cibrao ao rexistrar máis perdas millonarias: 237 millóns ata marzo

Alcoa, o maior produtor estadounidense de aluminio, rexistrou perdas por importe neto atribuído de 252 millóns...

Trabada solicita unha subvención para renovar a vivenda da Unitaria de Vidal

O Concello de Trabada solicitou unha subvención ao Instituto Galego de Vivenda e Solo...

Burela acollerá será a primeira fase da ximnasia rítmica Escolar, Promoción e Pre-Base

O Concello de Burela acollerá, no pavillón Vista Alegre, a Primeira Fase da Liga...

Charla en Burela sobre cambios normativos que afectan a persoas con dano cerebral adquirido

O Concello de Burela acolle, no Salón de Plenos, unha sesión informativa sobre os...