Unha xornada solidaria con actividades lúdicas e deportivas é unha festa gastronómica da espetada moura son as novidades desta edición da romería de Sargadelos, en Cervo, que honrará un ano máis a Santiago Apóstolo. 

A festa, que organiza a asociación Anxuela, comeza este martes, ás 16.00 horas, coa primeira edición da Espetada Moura. A xornada festiva inclúe competicións de paint ball -hai anotados xa 80 participantes, distribuídos en 16 equipos– e tiro con arco e rocódromo. A participación é de balde, aínda que a organización convida a traer alimentos non perecedoiros, que serán donados a unha ONG.

Ás 20.00 horas comezará o reparto de espetadas mouras, con música de DJ, e desde as 23.00 haberá verbena con Tribal e Kalima 3.0.

XANTARES CAMPESTRES

O 25, o día de Galicia, haberá misa desde as 12.00 horas e a continuación sesión vermú co dúo Eclipse. Non faltarán os habituais xantares ao aire libre na contorna das antigas fábricas de Sargadelos.