A flota da terceira Travesía Navega el Camino parará de novo en Viveiro. Os 80 tripulantes das 30 embarcacións participantes nesta aventura, que consta de once xornadas a vela e unha a pé desde Hondarribia ata Santiago de Compostela, chegarán á Cidade do Landro o sábado 21 e o domingo 22 pasarán un día de descanso no municipio.

VISITA AO MUSEO DO MAR

O Concello de Viveiro preparou varias actividades para mostrar os recursos turísticos non só do municipio, senón da Mariña. Así, os participantes visitarán pola mañá o Museo do Mar de San Cibrao, en Cervo, e poderán coñecer a historia da pesca de baleas na bisbarra.

SHOWCOOKING

Pola tarde, os peregrinos asistirán a unha visita guiada polo casco histórico. Será ás 17.45 horas, antes dun showcooking que terá lugar nos claustros de San Francisco. Alí, os participantes da travesía poderán degustar pescada do pincho e ensalada de algas.

ACTUACIÓN DE SONS DE CELEIRO

Ás 21.00 horas, o grupo Sons de Celeiro porá música á noite e pechará a xornada. A flota marchará de Viveiro o luns 23, ás 9.00 horas, con destino Cedeira.