IniciosociedadeA pastelería Anduriña presenta unha tarta baseada na Fonte da Zapata

A pastelería Anduriña presenta unha tarta baseada na Fonte da Zapata

O doce, que se compón de froitos secos, venderase no negocio e na basílica de San Martiño de Mondoñedo

Publicada o

- Advertisement -

A pastelería Anduriña de Foz, que rexentan Ramón Castro e Mari Trigo, porá este xoves á venta A Zapata do Milagre de San Gonzalo, unha tarta baseada na lenda da fonte do mesmo nome e que se poderá mercar -a un prezo de dez euros– tanto no establecemento coma na basílica de San Martiño de Mondoñedo.

O doce, segundo explicaron os seus propios creadores, componse de masa follada artesá, noces, pasas, piñóns, améndoas e cabelo. Trátase “dunha tarta de froitos secos, que se conserva perfectamente durante 21 ou 22 días”, aseguraron os pasteleiros, que resaltan que “detrás desta creación hai traballo, cariño e ilusións. Agardamos que este manxar viaxe por toda a xeografía española e si pode ser máis lonxe tamén”, concluíron.

A tarta, presentada este mércores na sala Queralt do centro de interpretación da basílica, levará unha tarxeta que explica a lenda da fonte da Zapata, que brotou, segundo á fábula, por milagre do bispo San Gonzalo.

“PROMOCIÓN” DO MUNICIPIO

Acudiron á presentación do doce unhas cincuenta persoas. Estiveron presentes o alcalde, Javier Castiñeira, e o presidente de Acia-CCA de Foz, José Carlos Paleo. O rexedor felicitou aos pasteleiros “polo seu carácter emprendedor” e asegurou “que se trata dunha idea interesante para promocionar o noso pobo por toda España a través da gastronomía”. O primeiro edil focego resaltou ademais o elevado número de visitas25.000 anuais– que ten a basílica, “un conxunto histórico impresionante”.

Pola súa banda, o presidente do colectivo de comerciantes, valorou a iniciativa porque “pon en valor o que temos: a gastronomía e a riqueza patrimonial e cultural de Foz. O dinamismo dun negocio amósase con novas ideas, novas propostas coma esta, que darán impulso á basílica e ao museo”, rematou Paleo.

ÚLTIMAS

Burela realiza melloras na canceira municipal xestionada pola Asociación Bigotes

O Concello de Burela vén de realizar unha serie de melloras na canceira municipal,...

Espectáculo ‘Sentir’ do Mago Rafa no Pastor Díaz de Viveiro

O Teatro Pastor Díaz do Concello de Viveiro acollerá a representación do novo espectáculo...

Viveiro realiza labores de mantemento nas cunetas de Naseiro

A Tenencia de Alcaldía de Viveiro, a través da Concellería de Medio Rural, realizou...

O futuro da Mariña: unha historia aínda sen argumento

Alcoa anunciaba que paralizaba a construción do forno de cocción de ánodos, un dos compromisos...