Ribadeo quedou pequeno para acoller os milleiros de persoas que se sumaron ao Festival Indiano. As modas e os sons de ultramar tomaron as rúas creando un ambiente propio de principios do século XX, cando os emigrantes que fixeran fortuna en América comezaban a regresar á casa.
Desde o inicio das festas, o venres á tarde coa presentación oficial desta quinta edición –adicada a Uruguai-, a vila foi escenario de conferencias a redor do legado cultural dos indianos, actuacións musicais, recreacións e espectaculos teatrais. Unha programación pensada para ser vivida nas rúas, que foron un fervedoiro de xente, especialmente o sábado.
LUGAR EVOCADOR
Esta viaxe atrás no tempo concluíu este domingo no que, tras outra animada mañá en Ribadeo, o Círculo Habanero da Devesa se converteu no epicentro da celebración. Baixo as evocadoras palmeiras dunha das casas indianas que embelecen o lugar, os asistentes –vestidos coas mellores galas- disfrutaron dun xantar campestre, unha obra de teatro e a música da Rondalla Armonía e do grupo Son con Swing.