O Centro Comercial Aberto (CCA) de Foz impulsa nos días 22 e 23 de xuño, venres e sábado, a fin de semana sen IVE. Todas aquelas persoas que fagan as súas compras nos locais participantes nesta campaña obterán descontos especiais.

O colectivo de comerciantes recomenda aos clientes que consulten as promocións en cada establecemento. Desde o CCA focego aseguran que “chega o verán e é un bo momento para aproveitar e facerse con aquelas prendas de tempada a prezos máis económicos nos comercios do noso pobo. O comercio local fai pobo e niso debemos seguir pensando sempre, en todas as épocas do ano”, rematan. 

A campaña de descontos será o preludio da quinta Festa Vintage, que se celebrará a finais deste mes de xuño.

ACISA

En Ribadeo, a Asociación de Comerciantes, Industriais, Servizos e Autónomos organiza desde o día 22 ao 24 a segunda edición da campaña ‘Os prezos arden‘. Un total de 35 establecementos participarán na iniciativa, con descontos que oscilarán entre 10 e o 50% dos produtos. 

Os locais que participan na iniciativa son Ginzo, Sanjurjo, Esprit, Opticalia, Bora Bora, Bodegas Ribeirao, Óptica Miró, Mercería Torviso, Güendolina, Pippols, Julia Moda Infantil, Dándara, Naná, Boutique Valentina, Boutique Del Río, Saia, Óskar Peluqueros, Bis a Bis, Terra Branca, Óptica Carreira, Hola Ola Street, Hola Ola Surf, Coco, Jatay, Farfala, Folder, Pequerrechos, Mercería Vizcaya, Glass, Deportes Docobo, R23, Bimba 13, Anaís, Platería Gutié, Castillo de Pesca.