A avogada natural de Burela Inmaculada Lorenzo foi elixida entre os dez letrados máis prometedores de España polo xornal económico Expansión.

O diario escolle cada ano dez finalistas para o seu premio ao mellor avogado novo, para profesionais menores de 35 anos.

Lorenzo, que traballa para Hogan Lovells, cumpre segundo a publicación os requisitos que deben demostrar os candidatos.

“COMPROMISO ÉTICO”

Son a “excelencia na súa profesión, así como logros na súa carreira profesional e un gran compromiso ético co oficio”.