IniciosociedadeCervo suma un programa de conciliación ás actividades de ocio estivais

Cervo suma un programa de conciliación ás actividades de ocio estivais

O proxecto complementará os cursos de repaso escolar e os Enredos de Verán ofrecidos en anos anteriores

Publicada o

- Advertisement -

O Concello de Cervo engadirá nos meses de xullo e agosto un programa de conciliación ás actividades programadas para nenos en anos anteriores, coma os Enredos de Verán ou Repasando en Verán.

Cervo Concilia “componse dunha repleta axenda de actividades adicadas a nenos de entre tres e doce anos. O que pretendemos é brindarlles ás familias unha ferramenta que lles axude a conciliar a vida laboral co coidado dos seus pequenos e das súas pequenas”, sinalou o rexedor cervense, Alfonso Villares, que presentou a iniciativa coa edil de cultura e educación, Dolores García Caramés.

As actividades serán de luns a venres, en horario de 09.00 a 14.30 horas. As familias empadroadas no municipio poden formalizar a súa inscrición no programa, gratuíto, na casa da cultura ou no consistorio.

o programa é de balde e está aberto o prazo de inscrición para as familias empadroadas no municipio

ENREDOS DE VERÁN

Cervo Concilia súmase a iniciativas consolidadas coma os Enredos de Verán, que na pasada edición xuntaron a máis de 100 nenos. O programa diríxese a nenos e nenas de entre tres e doce anos, e haberá todo tipo de xogos acuáticos e actividades ao aire libre, como surf, skate ou bádminton, ademais de xornadas educativas centradas no medio ambiente.

Acollerán as actividades a casa do mar de San Cibrao e o ecomuseo de Cervo. Haberá un horario diferente en función das idades: os luns e os mércores será a quenda dos nenos de tres a cinco anos, de 11.00 a 12.30 horas, e de 12.30 a 14.00, para os pícaros de seis a nove anos. Os rapaces de dez a doce anos desfrutarán do programa os martes e os xoves, de 12.30 a 14.00.

REFORZO AO ESTUDO NAS PARROQUIAS

Outra das novidades que prepara o goberno local cervense para este verán é un novo calendario de Repasando no Verán, que se impartirá nos diferentes locais sociais das parroquias. Caramés explicou que o proxecto “está pensado para rapaces de todas as idades” e que se desenvolverán “todo tipo de actividades de reforzo, cálculo, clases de inglés e técnicas efectivas de estudo”. Os horarios fixaranse en función das persoas anotadas.

ÚLTIMAS

O futuro da Mariña: unha historia aínda sen argumento

Alcoa anunciaba que paralizaba a construción do forno de cocción de ánodos, un dos compromisos...

Alcoa seguirá adiante coa venda de San Cibrao ao rexistrar máis perdas millonarias: 237 millóns ata marzo

Alcoa, o maior produtor estadounidense de aluminio, rexistrou perdas por importe neto atribuído de 252 millóns...

Trabada solicita unha subvención para renovar a vivenda da Unitaria de Vidal

O Concello de Trabada solicitou unha subvención ao Instituto Galego de Vivenda e Solo...

Burela acollerá será a primeira fase da ximnasia rítmica Escolar, Promoción e Pre-Base

O Concello de Burela acollerá, no pavillón Vista Alegre, a Primeira Fase da Liga...