- Advertisement -
O Festival da Ostra de Castropol celebrará os días 3, 4 e 5 de maio a súa sexta edición. O Concello, que organiza a exaltación gastronómica en colaboración coa Consejería de Desarrollo Rural y Recursos Naturales, a través dos Fondos de Pesca da Unión Europea, e o grupo de Desarrollo Local Ceder Oscos-Eo, presentou o cartel da cita.
AMPLA PROGRAMACIÓN
Como en anos anteriores, Somos la Ostra desenvolverase cunha ampla programación que a organización detallará nos vindeiros días. Xa están na web municipal formularios para participar nalgunhas delas, como servizos de transporte en lancha pola ría de Ribadeo, actividades deportivas e paseos en canoa no estuario, Pequechef ou o habitual concurso de abridores do bivalvo.
SAÍU ADIANTE MALIA A MAREA VERMELLA
Na pasada edición, unha marea vermella a poucos días do evento estivo a piques de suspender a exaltación gastronómica, que con todo saíu adiante. Somos la Ostra converteuse nun importante revulsivo económico e turístico para a zona.